BNG-Ribeira
BNG-Ribeira

Blog do BNG de Ribeira.

Xunta de Galicia

Alegacións para que a EDAR de Ribeira conte cunha solución específica para Xarás

Abr 27th, 2012
by BNG.
No comments yet

É unha vella demanda do BNG, que Ribeira conte co necesario saneamento integral das súas augas residuais. Augas de Galiza non ten previsto facer a Estación de Depuración Augas Residuais (EDAR) específica para os residuos do Polígono de Xarás, a pesar de recoñecer que teñen unha alta carga contaminante e sendo a metade das augas residuais do concello de Ribeira. A solución que ofrecen é levalas ó emisario do Touro e botalas directamente á ría sen depurar. Na actualidade o emisario está roto e contamina zonas de marisqueo e baño.

Demandamos do Partido Popular que antepoña os intereses da cidadanía de Ribeira ós do seu partido e esixa á Xunta de Galiza, como fai e fixo sempre o BNG, que a depuración das augas residuais se faga con todas as garantías, respectando o acordo acadado por unanimidade (PP, BNG, PSOE, IPdR) no Pleno do día 30 de Xullo do 2007, que incluía entre outros puntos, “que se solicite da Xunta de Galicia unha depuradora específica para o Polígono Industrial de Xarás”.

Demandamos tamén o cumprimento do compromiso recollido na acta do día 25-03-2010: “O Sr. Alcalde asegura que a solución dos vertidos urbanos irá de forma paralela á solución e confirmación da depuración industrial”.

Se todos os Grupos Municipais fomos capaces de chegar a este acordo de mínimos, non se entendería agora posturas contrarias por parte do goberno local e autonómico. Ribeira, ten unhas enormes potencialidades tanto no ámbito dos sectores vencellados ao mar como á industria e ao turismo, dos que dependen moitos postos de traballo.

Consideramos que pretender depurar só as augas residuais urbanas, deixando sen depurar as industriais, dista moito de ser unha depuración integral e sustentable. Non esquezamos a privilexiada situación xeográfica do noso concello: a carón da Ría da Arousa, unha das máis produtivas do mundo, área costeira de grande riqueza pesqueira e marisqueira; formando parte do Parque Nacional da Illas Atlánticas, e contando co Parque Natural máis visitado de Galiza e cunha ampla área de Rede Natura. Estamos falando, pois, dun espazo dos máis singulares de Europa, que conta cun alto grao de protección, polo tanto, todas as medidas que se adopten para non poñer en perigo toda esta riqueza natural son poucas.

Pincha aquí para ver as nosas alegacións: ALEGACIONS

Anteriormente propostas e iniciativas do BNG sobre a EDAR de Ribeira:

http://www.bng-ribeira.org/index.php/category/edar-de-ribeira/

 

 

Seaga: selección de persoal transparente e obxectiva

Feb 5th, 2009
by Domi.
2 comments

A Consellaría de Medio Rural lembra que a empresa pública Seaga estableceu un sistema público de listas abertas por categorías, cun baremo obxectivo públicado na propia web. Sinala, ademais, que nalgúns perfís recurreu á contratación a través do INEM para cubrir os postos vacantes, o que evidencia que se descarta calquera tipo de discrecionalidade segundo afiliación política.

Máis información…

O Alcalde de Outes aplaude a xestión de Vicepresidencia

Xan 31st, 2009
by Domi.
No comments yet

Quintana e Crespo

Clica na imaxe para ver o vídeo

A diferenza de Torres Colomer, Alcalde de Ribeira, Carlos López Crespo, Alcalde de Outes (PP), aplaude a xestión de Vicepresidencia no centro de día de Outes. Considera que a xestión é a adecuada e conclúe a súa intervención decindo: “... os puestos para quen os seipa desempeñar. Siga nese empeño e aquí ten un solar de 100 Km cuadrados para que vostede desarrolle toda a sua actividade política que queira”.

Isto significa que mentres a cidadanía de Outes e doutros concellos da bisbarra e do país poden desfrutar dun servizo tan importante como son os centros de día, o goberno do PP de Ribeira non fai máis que poñer atrancos á construción dun ascensor que dea accesibilidade ao centro de día de Ribeira que leva varios anos listo, esperando esta obra para poñelo ao servizo dos veciños e veciñas.

A falta de xestión deste goberno diante doutras administracións, cando non a confrontación directa e mesmo o boicot, supón a perda de investimentos e de dotación de servizos á cidadanía de Ribeira. De feito non dubidaron en rexeitar a dotación de servizos xestionados polo BNG, como é o caso da Galescola, que decidiron que non era necesaria a pesar de que as estatísticas din o contrario, e que foi solicitada por asociacións como a das Amas de Casa; ou dos locais de ensaio, que optan por facelo con diñeiro municipal, renunciando a unha partida de máis de 120.000 € que Vicepresidencia poñía ao dispor da cidadanía de Ribeira.

Asemade, lévanse perdidos máis de 85.000€ do Programa ANTA de Vicepresidencia (para subvencionar o transporte adaptado). A falta de compromiso político tamén se visualiza nos preto de 50.000€ da axuda no fogar que tiveron que devolver por falta de xustificación, ou na carencia de servizos novidosos ás persoas maiores que existen noutros concellos e dos que carecemos en Ribeira como, por exemplo, o servizo de catering.

En ruta co 065

Anxo Quintana fixo un percorrido para acompañar un vehículo do 065, o transporte adaptado que leva as persoas maiores até os centros de día, que neste caso era o de Outes. Alí comprobou o bo funcionamento deste servizo, que hoxe conta con 44 vehículos e dá cobertura a 130 concellos con 22.000 usuarios potenciais, e que se estenderá ata chegar a 122 coches que darán cobertura a 100.000 usuarios. Nada sería posíbel sen a colaboración dos concellos coa Vicepresidencia.

Cando se trata de defender este país…

Xan 19th, 2009
by Domi.
1 comment

tod@s somos Anxo Quintana

Lei de Vivenda: unha solución á afectación de Costas

Xan 15th, 2009
by Domi.
1 comment

Dominga Brión, Ana Pontón, Manuel Casal e Xan León

O BNG compareceu onte en rolda de prensa para resaltar que a Lei de Vivenda de Galiza abre unha nova porta para dar unha solución definitiva á cidadanía afectada pola aplicación da Lei de Costas en todo o país entre os que están os veciños e veciñas dos Areeiros e Palmeira Norte, en Ribeira e Escarabote e Cabo de Cruz, en Boiro

A voceira municipal de Ribeira, Dominga Brión, a deputada Ana Pontón, o Responsábel comarcal do BNG, Manuel Casal, e o concelleiro de urbanismo do goberno de Boiro, Xan León, informaron aos medios de comunicación que a Lei de vivenda de Galiza foi promovida pola Consellaría de Vivenda e Solo, que dirixe a nacionalista Teresa Táboas, e aprobada por unanimidade no Parlamento Galego o pasado 19 de decembro. Na mesma inclúese a disposición adicional segunda que modifica a Lei de ordenación urbanística e de protección do medio rural de Galicia de 2002 co que a Xunta poderá desenvolver as súas competencias exclusivas en materia de urbanismo, equiparando os núcleos rurais tradicionais cos núcleos urbanos.

Aínda que dende o BNG apoiamos todas as iniciativas veciñais destinadas a dar unha solución definitiva á problemática que ten ocasionado a aplicación da Lei de Costas de 1988, sempre defendemos a vía política para solucionar este problema. Coa aprobación desta lei ábrese esa vía, que por primeira vez se pon en marcha dende o goberno galego, por medio dunha norma con rango de lei.

Deste xeito toda a veciñanza afectada terán unha nova oportunidade de reabrir o proceso para que a Xunta declare a súa existencia como núcleo consolidado antes da aprobación da Lei de Costas, no 1988, co que a liña de servidume reducirase dos cen aos vinte metros.

En todo caso, temos que insistir en que esta modificación ten por obxectivo solucionar o problema das persoas afectados para poder realizar obras nas súas vivendas unifamiliares mantendo esa tipoloxía de edificación e, en ningún caso, abrirá a porta á construción masiva no litoral.

Por último, temos que criticar a postura do Partido Popular que segue apostando pola modificación da lei de costas en lugar de pola aplicación efectiva das competencias autonómicas en materia de urbanismo. Do mesmo, xeito denunciamos unha vez máis a política de urbanismo salvaxe, especulativo e escuro do PP de Ribeira, da que temos sobrados exemplos por todo o Concello.

Lei de Vivenda de Galiza:
lei-de-vivenda-de-galiza.pdf

Nova no Canal Rías Baixas:
A lei de vivenda abre unha nova vía para os núcleos rurais afectados por Costas

Nova na Voz:
O BNG di que a Lei de Vivenda abre a porta á salvación dos Areeiros, Cabo e Escarabote

Plan Renove de Fiestras e Plan de Vehículos Eficientes

Dec 30th, 2008
by Domi.
No comments yet

Innovación e Industria pon en marcha o primeiro Plan Renove de Fiestras e unha nova edición do Plan de Vehículos Eficientes

Fernando Blanco presentou as dúas iniciativas enmarcadas no ámbito do aforro e a eficiencia enerxéticos

A Consellaría destina este ano 720.000 euros ao Plan de Vehículos Eficientes, case 4 veces máis que na edición anterior, e abre o Plan Renove de Fiestras con 500.000 euros que ascenderán a 1,5 millóns na vindeira campaña

O conselleiro de Innovación e Industria, Fernando Blanco, presentou as dúas novas medidas postas en marcha polo seu departamento, a través do Inega, no ámbito do aforro e a eficiencia enerxéticos. Segundo explicou o conselleiro nacionalista trátase, por unha banda, do Plan de Vehículos Eficientes e, por outra, do novidoso Plan para renovar a envolvente térmica dos edificios.

Máis información…

Adxudicado o proxecto de expropiación do Parque Barbanzan

Out 31st, 2008
by Domi.
No comments yet

A CONSELLERÍA DE VIVENDA E SOLO ADXUDICA POR 59.392 € A REDACCIÓN DO PROXECTO DE EXPROPIACIÓN DOS TERREOS NOS QUE SE VAI DESENVOLVER O PARQUE EMPRESARIAL DO BARBANZA

A empresa adxudicataria, Nortagro S.L., disporá dun prazo de 2 meses para redactar este documento que despois iniciará a tramitación administrativa coa exposición ao público

A Consellería de Vivenda e Solo adxudica por 59.392 € a redacción do proxecto de expropiación dos terreos necesarios para o desenvolvemento do Parque Empresarial do Barbanza, que se emprazará entre os municipios de Ribeira e Pobra do Caramiñal. A empresa que resultou adxudicataria, Nortagro S.L. , disporá dun prazo de 2 meses para redactar este documento.

O proxecto de expropiación deberá conter a relación de fincas afectadas polo desenvolvemento deste parque, a identificación dos propietarios e a superficie das fincas. O prazo para elaborado este documento é de 2 meses. Unha vez elaborado, se iniciará a tramitación da expropiación coa exposición pública deste documento para presentación de posibles alegacións.

O proxecto do Parque Empresarial do Barbanza foi declarado de incidencia supramunicipal polo Goberno galego a principios do mes de setembro deste ano. Esta declaración vén motivada pola magnitude da actuación – que se desenvolverá sobre 1 millón de metros cadrados – e porque dará resposta ás necesidades de solo produtivo na comarca do Barbanza, detectadas no estudio de viabilidade medioambiental, técnica e económica no que se analizaron 10 millóns de metros cadrados de terreo.

O investimento total previsto nesta actuación é de 32.062.224 euros, dos que máis de 27 millóns se dedicarán á urbanización e 4,1 millóns se empregarán na adquisición de terreos.

Características do parque

O Parque Empresarial do Barbanza desenvolverase sobre unha superficie total de 1.008.928 metros cadrados entre os municipios de Ribeira e Pobra do Caramiñal, que comparten unha economía relacionada co sector pesqueiro e cunha actividade industrial concentrada na conserva. Da superficie total, 541.520 metros cadrados serán de uso empresarial e industrial, 311.824 metros cadrados para espazos libres, 124.198 metros cadrados para a rede viaria e 31.386 metros cadrados para equipamentos.

Tamén incluirá naves modulares para os pequenos empresarios que queiran instalarse co obxectivo de dar resposta ás súas necesidades de solo produtivo a un prezo e nunhas condicións razoables. Estas naves terán un tamaño aproximado de 500 metros cadrados e serán adxudicadas en réxime de aluguer con opción de compra transcorridos 10 anos.

Ademais, o futuro Parque Empresarial do Barbanza contará cun edificio de usos múltiples para dar servizo aos empresarios que se instalen neste parque, tanto de Ribeira como de Pobra do Caramiñal. Este edificio, que contará con espazos comúns de novas tecnoloxías, estará situado nunha parcela de uso dotacional público e será adxudicado por concesión administrativa durante un prazo determinado de tempo.

O Parque Empresarial do Barbanza está incluído no Proxecto Galiza Suma, que supón a construción de parques empresariais estratéxicos e ben dimensionados, cunha alta calidade arquitectónica e tecnolóxica, con dotacións e servizos propios do século XXI.

Inauguración das salas de lactancia de Ribeira

Out 3rd, 2008
by Domi.
1 comment

Audiencia con Carme AdánInauguración das Salas de lactancia en Ribeira

A Secretaria Xeral de Igualdade, Carme Adán, e a Directora Xeral de Comercio, Ana Rúa, inauguraron onte en Ribeira un servizo pioneiro que pon en marcha o Centro Comercial Aberto, Viamare, ao que tamén asistiu a voceira municipal do BNG, Dominga Brión.

A presentación das salas de lactancia realizouse na sede da Asociación de Empresarios de Ribeira e á mesma acudiron o concelleiro do BNG, Xosé Luís Groveiro, e outros membros da Corporación Ribeirense. Tampouco faltaron un importante número de nenos e nenas acompañados das súas nais, que puxeron a nota de cor ao acto.

As xestións do BNG de Ribeira diante da Secretaría Xeral de Igualdade e da Dirección Xeral de Comercio foron decisivas para acadar a financiación necesaria para a posta en marcha deste servizo nun concello que conta con un censo de máis de 1.000 nenos e nenas de 0 a 3 anos.

Nova na Voz:
Viamare dá o pistoletazo de saída ás salas de lactación de bebés coa participación de tres establecementos

O Polígono da Barbanza sometido a información pública

Set 16th, 2008
by Domi.
1 comment

A Consellaría de Vivenda e Solo ten aberto o prazo para a presentación de alegacións ao plan do macropolígono comarcal

Ordenación do Polígono da Barbanza

Clica na imaxe para ver a Ordenación do Polígono en PDF

A CONSELLERÍA DE VIVENDA E SOLO TEN SOMETIDO A INFORMACIÓN PÚBLICA O PROXECTO SECTORIAL E O INFORME DE SUSTENTABILIDADE AMBIENTAL DO PARQUE EMPRESARIAL DA BARBANZA

 As persoas interesadas dispoñen de 2 meses para consultar a documentación e presentar posibles alegacións tal e como se recolle no anuncio publicado no DOG do 21 de agosto

 Este proxecto foi declarado de incidencia supramunicipal por parte do Consello da Xunta

 O investimento total previsto nesta actuación é de 32 M.€, dos que máis de 27 millóns se destinarán á urbanización e 4,1 millóns se investirán na adquisición de terreos

A Consellería de Vivenda e Solo, que dirixe a nacionalista Teresa Táboas, somete a información pública o Proxecto Sectorial e o correspondente Informe de Sustentabilidade Ambiental do Parque Empresarial do Barbanza, que se desenvolverá entre os concellos de Ribeira e a Pobra do Caramiñal. As persoas interesadas poderán consultar a documentación e presentar posibles alegacións na sede central da Consellería en Santiago de Compostela e nos concellos de Ribeira e a Pobra durante o prazo de dous meses, tal e como se recolle no anuncio publicado no Diario Oficial de Galicia.

Este proxecto foi declarado de incidencia supramunicipal por parte do Consello da Xunta o pasado 31 de xullo por ocupar terreos pertencentes a dous termos municipais, pola magnitude da actuación que se desenvolverá sobre 1 millón de metros cadrados, e polo obxectivo do proxecto de dar resposta ás necesidades de solo empresarial na comarca detectadas no estudio de viabilidade medioambiental, técnica e económica no que se analizaron 10 millóns de metros cadrados de terreo antes de optar pola área de actuación concreta que albergará o futuro parque.

A previsión da Consellería é realizar a tramitación administrativa durante o 2008 e a licitación das obras se produza no cuarto trimestre do ano. O investimento total previsto nesta actuación é de 32.062.224 euros, dos que máis de 27 millóns se dedicarán á urbanización e 4,1 millóns se empregarán na adquisición de terreos.

Características do parque

O Parque Empresarial do Barbanza desenvolverase sobre unha superficie total de 1.008.928 metros cadrados entre os municipios de Ribeira e Pobra do Caramiñal, que comparten unha economía relacionada co sector pesqueiro e cunha actividade industrial concentrada na conserva. Da superficie total, 541.520 metros cadrados serán de uso empresarial e industrial, 311.824 metros cadrados para espazos libres, 124.198 metros cadrados para a rede viaria e 31.386 metros cadrados para equipamentos.

Tamén incluirá naves modulares para os pequenos empresarios que queiran instalarse co obxectivo de dar resposta ás súas necesidades de solo produtivo a un prezo e nunhas condicións razoables. Estas naves terán un tamaño aproximado de 500 metros cadrados e serán adxudicadas en réxime de aluguer con opción de compra transcorridos 10 anos.

Ademais, o futuro Parque Empresarial do Barbanza contará cun edificio de usos múltiples para dar servizo aos empresarios que se instalen neste parque, tanto de Ribeira como de Pobra do Caramiñal. Este edificio, que contará con espazos comúns de novas tecnoloxías, estará situado nunha parcela de uso dotacional público e será adxudicado por concesión administrativa durante un prazo determinado de tempo.

O Parque Empresarial do Barbanza está incluído no Proxecto Galiza Suma, que supón a construción de parques empresariais estratéxicos e ben dimensionados, cunha alta calidade arquitectónica e tecnolóxica, con dotacións e servizos propios do século XXI.

Información pública no DOG:
2008-08-21dog-informacion-publica.pdf

Nova na Voz:
Vivenda abre o prazo para a presentación de alegacións ao plan do macropolígono

Ribeira contará en breve con un centro de día

Set 4th, 2008
by Domi.
No comments yet

Ribeira contará con un centro de día de alzheimer para un total de 40 persoas

A Vicepresidencia da Igualdade e do Benestar, no uso das súas competencias e sendo conscientes das elevadas necesidades asistenciais que teñen as persoas que padecen alzheimer e outras síndromes funcionais de carácter neurodexenerativo, ademais do efecto que esta situación causa sobre as persoas afectadas e sobre os seus familiares, asumiu como compromiso prioritario o desenvolvemento dunha rede pública autonómica de centros de día de atención especializada, dirixido ás persoas enfermas de alzheimer e outras demencias.

Así mesmo, con este fin o artigo 6.2º do decreto 186/2008, do 24 de xullo, publicado no DOG de 2 de setembro, recolle a posibilidade de que os centros poidan desenvolver programas de carácter sociocomunitario dirixidos a un número maior de persoas con alzheimer e outras demencias neurodexenerativas.

En consecuencia, e dentro dos obxectivos sinalados, a Vicepresidencia de Igualdade de do Benestar pretende levar a cabo a posta en marcha dos centros de día de Ribeira, Lugo, Celeiro (Viveiro), Moaña e Vigo, que formarán parte da antedita rede pública.

Publicación no DOG:

← Artigos Máis Antigos