Iniciativas Parlamento Galego

A portavoz de Educación do BNG no Parlamento Galego, Carme Adán, acusou esta tarde ao conselleiro de Educación e Ordenación Universitaria de “maquillar os datos para agochar o desmantelamento da escola pública que está a facer o Goberno do PP nos orzamentos de 2010”.

En concreto, advertiu de que o novo sistema de axuda para a compra de libros en propiedade “non é gratuíto, como si era o anterior sistema de préstamo, nin é solidario nin eficaz”.

O comité de empresa, denunciou ante representantes do BNG, que a atención ao paciente vese gravemente atacada coa insuficiencia de persoal en determinadas especialidades e categorías profesionais.

En servizos coma xinecoloxía e traumatoloxía as listas de agarda son “interminables”, a carencia de facultativos é especialmente significativa nestas especialidades.

Trala incorporación do Hospital do Barbanza ó SERGAS, segue existindo diferenzas notables na calidade dos servizos prestados en relación a outros hospitais do sistema sanitario galego, nestes momentos non existe na Barbanza, a categoría profesional de “celador”, circunstancia esta que implica que funcións propias da mesma, sexan cubertas por outro persoal sanitario, todo isto en detrimento da calidade do servizo no seu conxunto.

O BNG da Barbanza, tamén denuncia a falta de seguridade existente no Hospital, os efectivos que dispón non son suficientes para garantir a seguridade de pacientes, coma do persoal sanitario.

Asemade, o BNG da Barbanza fai súas as reivindicacións do comité de empresa, iniciadas polo persoal sanitario na defensa dos acordos salariais vixentes, que hoxe está a paralizar o actual Goberno da Xunta de Galiza.

As deputadas do BNG, Ana Pontón e Ana Luísa Bouza, veñen de presentar unha Proposición non de lei no Parlamento Galego para frear un novo recorte nos servizos públicos que dende a chegada do PP á Xunta de Galiza se están a producir en todo o país e tamén na comarca da Barbanza. Neste caso, trátase da limitación ao acceso ao transporte sanitario non urxente, según denunciaron os propios pacientes.

Según indican as deputadas na súa iniciativa, “a consecuencia directa desta decisión é a anulación de consultas e problemas na xestión das urxencias e traslados ao Hospital Clínico.” Consideran que a Consellaría de Sanidade actúa de xeito irresponsábel dificultando o acceso a un servizo básico como é o do transporte sanitario e, polo tanto, prexudicando a moitas persoas que teñen problemas de mobilidade, que ven restrinxido un servizo do que antes dispoñían.

As parlamentarias do BNG consideran preocupante esta actitude da Xunta de Galiza pois constitúe un paso máis no deterioro dos servizos públicos. Máis alarmante, se cabe, que a resposta da Consellaría de Sanidade sexa que se “está traballando para mellorar este servizo”, evidenciando unha singular concepción de como se melloran os servizos públicos.

Lobeira manifesta na iniciativa presentada que “o 27 de outubro naufragaba preto de Aguiño a lancha “Cunchiñas”, cun terríbel saldo de dous tripulantes mortos. A actuación do helicótero de salvamento marítimo “Pesca I” permitiu o rescate con vida dun terceiro membro da tripulación.”

O deputado do BNG considera que “a perda de vidas humanas é xa, lamentabelmente, irreparábel. Máis cumpre coñecer as circunstancias que rodearon o sinistro a fin de evitar no futuro, na medida do posíbel, a reprodución de feitos desta natureza.”

O BNG denuncia que a Xunta acumula até nove meses de atraso no pagamento ás confrarías das axudas para vixilancia

O portavoz do BNG na Comisión de Pesca do Parlamento Galego, Bieito Lobeira, ven de presentar unha iniciativa na que lle demanda á Consellaría do Mar que lle pague ás confrarías de pescadores as axudas que lles debe para pagar os seus servizos de vixilancia. Denuncia que a Xunta acumula até 9 meses de retraso no pagamento destas axudas.

Dende o primeiro momento no que se especulou coa posibilidade de instalar estas gaiolas no polígono de Ribeira C, a carón da Illa de Rúa, o BNG realizou os esforzos institucionais e parlamentares conducentes á retirada destas instalacións.

Tamén a práctica totalidade dos sectores produtivos da ría (pesqueiro de baixura, marisqueiro e e produción mexilloeira) manteñen unha forte oposición a este proxecto, fundamentada no impacto que previsibelmente provocaría nestas actividades como consecuencia das verteduras (alimentación, antibióticos, etc.) que necesariamente conleva.

O sentido común obriga a extremar todas as medidas de cautela precisas na defensa dun ecosistema mariño privilexiado (aínda que historicamente agredido) como é o de ría de Arousa, fonte de alimentación e riqueza para unha parte moi importante da poboación deste espazo litoral. En definitiva, partindo do convencemento de que non todas as actividades son aptas en calquera lugar, e moito menos nas zonas produtivas.

O Decreto 91/2007, de 26 de Abril, de integración no réxime estatutario do persoal laboral do sector sanitario público xestionado por entidades adscritas á Consellaría de Sanidade, supuxo a equiparación do persoal das fundacións sanitarias ao persoal estatutario.

Segundo este decreto, establecese que “así mesmo, a homologación deberase producir nas condicións de traballo do réxime estatutario, de forma que os traballadores pasarán a participar dos dereitos e deberes do persoal estatutario en condicións de homoxeneidade para que o dereito de opción de integración sexa real e efectivo no eido estatutario, tendendo a evitar as discriminacións derivadas da existencia de réximes xurídicos distintos, eludindo a concorrencia de privilexios ou prexuízos pola pertenza a un ou outro réxime xurídico”.

Atendendo a este precepto existe unha demanda de traballadores e traballadoras deste hospital para que se cree a categoría profesional de celador, a fin de equiparar o funcionamento e condicións laborais en todos os centros hospitalarios, e sen prexuízo de que isto supoña unha redución do cadro de persoal noutras categorías.