Galiza Nova

Teresa Táboas e Dominga Brión participaron no acto sobre vivenda organizado por Galiza Nova ao que non quixeron faltar representantes do BNG de toda á Barbanza.

Teresa Táboas: Deputada do BNG no Parlamento Galego e Conselleira de Vivenda e Solo na anterior lexislatura

Centos de persoas se achegaron a mesa informativa instalada no mercadillo de Ribeira, na que se repartiron uns 400 folletos e se recolleron preto doutras tantas sinaturas a prol de que esta comarca conte cun COF.

Os Centros de Orientación Familiar facilitan asesoramento e asistencia médica en materia de sexualidade e anticoncepción. Este é un servizo longamente demandado pola comunidade educativa da Barbanza, pola Asociación Antidroga Renacer e que conta tamén co respaldo das Corporacións Municipais dos catro concellos da comarca.

Galiza Nova de Ribeira cualifica de rotundo éxito o concerto organizado con motivo da presentación da nova dirección local.

Tutos e Penli Krew amenizaron unha agradable velada durante a cal, a nova Responsábel Local, Antía Pérez Brión e a Vicerresponsábel, María Sevilla, xunto con Manuel Martínez Mariño, Laura Paz Pérez e Xurxo Pról, membros da agrupación local, aproveitaron para anunciar que, gracias as xestións feitas polo BNG, a Dirección Xeral de Xuventude de Vicepresidencia, acondicionarán un local de ensaio en Ribeira, sempre que o Concello aporte un local para integralo na REDE GALEGA DE LOCAIS DE ENSAIO.

O obxectivo desta iniciativa e fomentar a nosa cultura e a posta en práctica de actividades de ocio alternativo entre mozos e mozas. A integración deste local na Rede Galega terá beneficios importantes. A posibilidade de utilizar unha páxina web para a publicitación dos grupos, o acceso a unha liña de subvencións anuais para mellorar as instalacións ou a dotación e a participación nun programa da Radio Galega, son algúns deles.

A Responsábel Local de Galiza Nova agradeceu a asistencia a todos e todas as presentes, amosou o compromiso da organización a traballar pola xente nova de Ribeira e animounos a participar nas actividades que seguirán ralizando este grupo de mozas e mozos que comezan unha nova andaina cargados de ilusión.

O vindeiro venres, día 12, ás 21:00 horas, Galiza Nova de Ribeira presentará en acto público a nova dirección local. Para a ocasión fixeron unha camiseta chulísima deseñada por Manix Dixital.