BNG Ribeira
O Goberno Municipal de Ribeira sobe impostos… e crea algún novo!
Estrease coa revisión das taxas e prezos municipais cunha subida xeneralizara do 3,6%. A partir do ano que vén os cidadáns e cidadás de Ribeira pagaremos máis polos permisos de obras, expedición de certificados e documentos, enterramentos, imposto de circulación, pola auga, saneamento, etc. Tamén pagaremos máis pola recollida do lixo. Ademais de xustificar esta subida indiscriminada que o BNG rexeitou, o alcalde anunciou que a suba por recollida de lixo nas parroquias de Artes, Olveira e Oleiros sería maior aínda pois a bonificación pola recollida en “días alternos” pasa do 40% actual a tan só o 30%.
A cidadanía debe saber tamén que se crea unha nova taxa reguladora por “intervención de servizos municipais en materia de seguridade cidadá”. É dicir, que a partires do 2012 o Concello cobrará por cada saída dos servizos de Protección Civil ou do GRUMIR. Por exemplo: so pola saída serán 69,30€, por cada traballador cóbrase 22€ e pola motobomba 19€ por quilómetro ademais dos custes de materiais.
Esta é a política dos que din que non van aumentar os impostos. Os feitos cantan. O BNG propuxo non incrementalas porque supoñen un aumento inxustificado que vai contra as economías de todos e todas os ribeirenses indiscriminadamente, sexa cal sexa a súa capacidade económica. E votou en contra.
Ruíz pon o cargo e o Concello ó servizo do PP
Violando a vixente Lei Electoral, o Alcalde, arroupado polo escudo da cidade, convoca un mitin do PP en Nova York baixo o lema “se cubrirá gastos”
O BNG tivo coñecemento por palabras do propio Alcalde da súa ausencia “durante uns días” durante os primeiros días de outubro. O sorprendente é que, dada a prolongada ausencia e polo tanto abandono de determinadas funcións, non foran comunicados tanto as razóns da ausencia como os cambios ou delegación de funcións para garantir a debida atención á cidadanía e demais funcións representativas e de xestión propias do cargo.
Pero máis sorprendente aínda resultou coñecer por informacións da páxina Web de Casa Galicia en NY da presenza do noso Alcalde na cidade de Nova York anunciando un acto de propaganda política do Partido Popular no que textualmente se convida á asistencia “con gastos pagos”.
Nos tempos que corren, e coa que está caendo, causa verdadeira alarma social pensar que se destinaran cartos públicos de todos e todas as ribeirenses para un acto deste tipo. Ou que o alcalde, se estaba en período de vacacións, se dedicase a exercer de xeito fraudulento o seu cargo.
O BNG sabe que a lexislación USA prohibe estritamente o financiamento deste tipo de actos políticos a clubs do tipo de Casa Galicia, polo que as sospeitas de fraude están máis que fundadas pois a viaxe parece máis orientada aos intereses electorais do Partido Popular que aos da cidadanía de Ribeira polos que o Alcalde percibe o seu salario.
Iniciativa municipal:
2011-10-Preguntas viaxe Alcalde a Nova York
Canto gaña o Alcalde de Ribeira?
Os adoradores do Becerro dos Mercados piden máis Mercado e menos Estado. Os predicadores da “austeridade” non o fan co exemplo: canto gaña o Alcalde de Ribeira?
Pois case 7.000€ cada mes do erario público. (14 pagas de 6.796,38€: 3.975,38€ do Concello+ 2.811€ da Deputación).
Compre dicilo pois certa “prensa” oculta o dato mentres airea a propaganda oficial. Por certo para “propaganda, publicidade e protocolo” o Gabinete da alcaldía destina…65.000€...e para libros e revistas da biblioteca pública?...pois 4.200€. E para reparacións e mantemento de escolas públicas?...17.500€. Son datos do Orzamento para 2011.
Onte en Ribeira o BNG tivo un acto informativo onde demos conta deste e doutros datos para espertar as conciencias e animar a actuar en consecuencia. Con Rosana Pérez e Carlos Aymerich.
Celebración da Galiza Mártir en Ribeira
O portavoz do BNG, Xosé Luís Groveiro, participou hoxe na celebración da Galiza Mártir en Ribeira, dando lectura ao seguinte poema de Manuel María:
LEMBRANZA DE ALEXANDRE BOVEDA
Tí eres lume vivo, acesa chama,
roita irreversíbel de futuro;
potente trebón que berra e crama,
¡home do pobo, asoballado e puro!
Eres a luz, o guieiro i a bandeira
chantada nos cumes de Galicia.
¡Eres a voz limpa e verdadeira!
¡Eres o pan, o viño i a ledicia!
Ouh Alexandre Bóveda, paixón núa,
furacán potente e desatado:
¡qué exempro foi a morte túa!
¡Qué cantidá de amor sacrificado!
Ouh Alexandre Bóveda, meu irmao,
pai desta patria triste, escura.
¡Invoco a Rosalía, a Castelao…
¡Nomeo a vida túa, nobre e pura!
Ouh Alexandre Bóveda, semente,
colleita fidel de lealtade:
¡si vive Galicia i a súa xente
a túa morte non pode ser verdade!
MANUEL MARÍA
MONFORTE DE LEMOS
Galicia, xulio de 1971
Amianto ou non??
Unha empresa especializada procede agora á extracción conforme á lei dos materiais con amianto da fábrica de Castiñeiras. O BNG denunciara no seu momento a irresponsabilidade do concello de Ribeira ao permitir (ou promover?) a retirada das planchas de fibrocemento e outros materiais contaminados con este material canceríxeno. (máis…)
Pleno Ordinario de Xullo: aprobadas catro iniciativas
O novo Goberno de Ribeira recoñece, ao aprobar estas iniciativas do BNG, problemas que veñen de vello… e non tanto. As iniciativas dos concelleiros e concelleiras do BNG refírense a melloras na limpeza e coidado das instalación nos colexios públicos, a axudas á poboación do Parque Natural de Corrubedo, á implantación dunha liña de autobús ao Vilar por Artes e Frións e ao compromiso do Alcalde de acompañar ás ANPAS do Concello na demanda de melloras para paliar a situación creada tras a vergoñenta eliminación do IES de Coroso. (máis…)
![Debate TVSB [13-5-2011]007](http://i.ytimg.com/vi/8pjSOdHJolk/0.jpg)
![Debate TVSB [13-5-2011]006](http://i.ytimg.com/vi/bEGq103pKF8/0.jpg)