Xoves ás 20:30 h no Liceo Marítimo o BNG fai un acto informatico sobre as participacións preferentes onde contaremos coa asistencia de Carlos Aymerich, deputado no parlamento galego.
BNG Ribeira
Alegacións para que a EDAR de Ribeira conte cunha solución específica para Xarás
É unha vella demanda do BNG, que Ribeira conte co necesario saneamento integral das súas augas residuais. Augas de Galiza non ten previsto facer a Estación de Depuración Augas Residuais (EDAR) específica para os residuos do Polígono de Xarás, a pesar de recoñecer que teñen unha alta carga contaminante e sendo a metade das augas residuais do concello de Ribeira. A solución que ofrecen é levalas ó emisario do Touro e botalas directamente á ría sen depurar. Na actualidade o emisario está roto e contamina zonas de marisqueo e baño.
Demandamos do Partido Popular que antepoña os intereses da cidadanía de Ribeira ós do seu partido e esixa á Xunta de Galiza, como fai e fixo sempre o BNG, que a depuración das augas residuais se faga con todas as garantías, respectando o acordo acadado por unanimidade (PP, BNG, PSOE, IPdR) no Pleno do día 30 de Xullo do 2007, que incluía entre outros puntos, “que se solicite da Xunta de Galicia unha depuradora específica para o Polígono Industrial de Xarás”.
Demandamos tamén o cumprimento do compromiso recollido na acta do día 25-03-2010: “O Sr. Alcalde asegura que a solución dos vertidos urbanos irá de forma paralela á solución e confirmación da depuración industrial”.
Se todos os Grupos Municipais fomos capaces de chegar a este acordo de mínimos, non se entendería agora posturas contrarias por parte do goberno local e autonómico. Ribeira, ten unhas enormes potencialidades tanto no ámbito dos sectores vencellados ao mar como á industria e ao turismo, dos que dependen moitos postos de traballo.
Consideramos que pretender depurar só as augas residuais urbanas, deixando sen depurar as industriais, dista moito de ser unha depuración integral e sustentable. Non esquezamos a privilexiada situación xeográfica do noso concello: a carón da Ría da Arousa, unha das máis produtivas do mundo, área costeira de grande riqueza pesqueira e marisqueira; formando parte do Parque Nacional da Illas Atlánticas, e contando co Parque Natural máis visitado de Galiza e cunha ampla área de Rede Natura. Estamos falando, pois, dun espazo dos máis singulares de Europa, que conta cun alto grao de protección, polo tanto, todas as medidas que se adopten para non poñer en perigo toda esta riqueza natural son poucas.
Pincha aquí para ver as nosas alegacións: ALEGACIONS
Anteriormente propostas e iniciativas do BNG sobre a EDAR de Ribeira:
http://www.bng-ribeira.org/index.php/category/edar-de-ribeira/
Exito da Folga Xeral en Ribeira
Milleiros de persoas concentráronse en Ribeira, entre elas, estaba o Bloque Nacionalista Galego que estivo apoiando a Folga Xeral, porque entendemos que é un grave atentado contra os nosos dereitos laborais.
O BNG defende outro tipo de políticas, políticas alternativas que permitan saír da crise sen castigar á cidadanía. Non só o defendemos nas institucións senón tamén a pé de rúa, alí onde está a xente.
Renovación do Consello Local e Grupo Municipal
Como continuación da XIII Asemblea Nacional do BNG, a Asemblea Local do BNG de Ribeira procedeu na tarde de onte á renovación do seu Consello Local que estará formado por: (máis…)
O Goberno do PP de Ribeira, rexeita apoiar a iniciativa en defensa da Sanidade Pública
No último Pleno ordinario, o Goberno Municipal do PP de Ribeira, rexeita apoiar a iniciativa en defensa da Sanidade Pública presentada polo BNG.
No mesmo Pleno de febreiro, o PP renuncia a cumprir un acordo plenario de decembro de 2010 no que POR UNANIMIDADE se aprobou unha proposta do BNG instando a “solicitar da Xunta de Galiza un novo Centro de Saúde para Ribeira”. (máis…)
Acadamos o apoio unánime dos Grupos Municipais para demandar medidas contra os desaucios
O BNG acada no pasado Pleno Ordinario de febreiro o apoio unánime dos Grupos Municipais para demandar medidas contra os desafiuzamentos (desaucios)
A Corporación Municipal aprobou unha iniciativa do BNG pola que se demanda á modificación da Lei hipotecaria coa finalidade de regular a dazón en pagamento e adoptar as medidas necesarias para evitar os desafiuzamentos por motivos económicos.
Iniciativa Municipal:
O PP rexeita unha moción do BNG no que se pide á Xunta a paralización das privatizacións de garderías
Se se aplica o decreto da Xunta, o servizo de comedor na Gardería Municipal de Ribeira podería pasar de 33 a 70€.
O PP rexeita unha moción do BNG no que se pide á Xunta a paralización das privatizacións de garderías.
Tamén rexeitou non aplicar máis suba que a do IPC, fronte ás subas de ata o 27% que poderán sufrir moitas familias se se aplican as “recomendacións” da Xunta.
Iniciativa Municipal
Posición do BNG diante da modificación do PXOM
Dende o BNG consideramos unha necesidade urxente a revisión do actual Plan Xeral de Ordenación Municipal. Con todo, vemos con preocupación tanto algúns cambios de ordenación, como a inclusión dunha “bolsa de chan industrial entre a Carballa e a autovía”, en vez de apostar decididamente pola execución do Macropolígono. (máis…)
Demandamos Parlamento que cubra a praza vacante de Xefe de Distrito da Capitanía de Ribeira
O Bloque Nacionalista Galego presentou esta semana unha iniciativa no Parlamento galego para que se cubra a praza vacante de Xefe do Distrito Marítimo deste municipio e se mellore a xestión deste servizo no porto ribeirense. (máis…)
