“A plataforma Queremos Galego convoca ás comunidades educativas para un paro xeral no ensino o 21 de xaneiro, como contestación ao decretazo contra o galego.
A agresión é histórica, sen dúbidas a máis forte contra o idioma propio en toda a etapa democrática. Por iso é tan importante que nos impliquemos todas as persoas con sensibilidade pola nosa cultura, independentemente da lingua que falemos no día a día, para facermos do 21 de xaneiro unha data tamén histórica na contestación social.”
Nova relacionada en Xornal:
O actual secretario xeral de Política Lingüística do goberno do PP defendeu, nun relatorio no Consello da Cultura, que a vía tomada polo anterior Goberno era a priorizable para recuperar o idioma
Cal sería a política priorizable na recuperación do galego? “Creo que no ensino. Temos un decreto do 50% (das materias) como mínimo e creo que esa debía ser unha proridade; que se aplique, porque de feito xa está aprobado, polo que non habería que crear unha nova norma, só aplicalo, que se aplique con rigor e seriedade, simplemente iso”.
Quen pregunta é un profesor catalán e quen responde, Anxo Lorenzo, actual secretario xeral de Política Lingüística do Goberno de Feijóo e, daquela, colaborador da área socialista do Executivo bipartito no ámbito da normalización do idioma e na planificación lingüística dos centros educativos.
Artigo relacionado de Pilar García Negro en Xornal:
Xunta do PP: ‘destroyer’
