Reclamamos a defensa da Lei de Vivenda

O grupo parlamentar do BNG interpelará ao novo Conselleiro de Medio Ambiente, Territorio e Infraestructuras para que defenda a Lei de Vivenda, nomeadamente a disposición adicional segunda que o Goberno do Estado acaba de recurrir, e demostre así o seu verdadeiro compromiso na defensa dos intereses de milleiros de galegos que, de novo, fican nunha situación complexa no que atinxe á legalidade dos seus fogares.

A portavoz do g.p do BNG en materia de Obras Públicas e Infraestructuras, Teresa Táboas, e o coordinador do grupo, Bieito Lobeira, compareceron en rolda de prensa para lamentar a decisión do goberno do Estado de recurrir á dita disposición adicional, que cualificaron dunha decisión “política” non “técnica”, unha “pataleta” extremadamente grave porque ataca as competencias exclusivas de Galiza e amosa un “descoñecemento absoluto sobre a ordenación do noso territorio”.