Xuño, 2008:

En concreto, figura unha consignación económica de 700.000 € para o proxecto de recuperación dos cantís entre Tanxil e Tronco, en Rianxo.

A seguinte partida é a referente ao proxecto do Paseo marítimo do Río Coroño e de Esteirón en Boiro con unha consignación de 600.000 €.

Outro dos proxectos que recibiron unha importante consignación e o relativo ao acondicionamento do litoral e senda peonil na Ribeiriña en Pobra orzamentado en 1 millón de €.

Por último, incluíronse 300.000 € para un novo proxecto de recuperación do borde natural de Couso a Corrubedo e da Illa de Sálvora.

En concreto, o deputado do BNG interésase polo grao de execución de cada un dos proxectos, polo estado de tramitación dos mesmos e polas características e prazos que se manexan para a súa realización.

A Consellería de Vivenda e Solo, que dirixe a nacionalista Teresa Táboas, adxudicou en marzo por 1.326.329 € as obra de remate das 21 vivendas protexidas de promoción pública de Xarás, no Concello de Ribeira, a Construcciones Urbisega, que debe executar as obras en 12 meses, prazo que comeza a contar desde a sinatura da acta de comprobación do replanteo e inicio das obras.

Ao concurso público convocado pola Consellería o pasado 31 de decembro para contratar estas obras presentáronse 4 empresas. O prazo de presentación de solicitudes rematou o 14 de xaneiro.

Trátase de 7 edificios, que albergan 3 vivendas cada un, de baixo, unha planta e baixocuberta. En total son 14 dúplex cunha superficie útil de 90 metros cadrados e 4 dormitorios. Outras 6 vivendas, situadas nas plantas baixas, teñen 78,45 metros cadrados útiles e 3 dormitorios. E, por último, unha vivenda, tamén en planta baixa, de 78,70 metros cadrados útiles e 2 dormitorios adaptada para persoas con mobilidade reducida.

Debido ás especiais circunstancias que obrigaron a rescindir o contrato coa empresa que inicialmente resultou adxudicataria das obras e a convocar un novo concurso para rematar os traballos, a Consellería de Vivenda e Solo aprobou unha axuda de 2.000 € para cada unha das familias afectadas, para sufragar o costo do aluguer mentres se executan as obras de remate das vivendas.

A Consellería de Vivenda e Solo asinou en outubro de 2006 o expediente de rescisión do contrato coa empresa adxudicataria por incumprimento do prazo establecido para a execución da obra, que era de 18 meses a contar desde a sinatura da acta de replanteo. A sinatura de dita acta produciuse o 22 de marzo de 2005 polo que o prazo de execución rematou o 22 de setembro de 2006, sen embargo no momento de rescisión do contrato tan só estaba executada o 13,85% da obra.

A Consellería de Vivenda e Solo adxudicou as obras de urbanización e edificación destas vivendas á empresa o 21 de outubro de 2.004 por un importe total de 1.433.399,46 € e a formalización do contrato celebrouse o 11 de novembro do mesmo ano.

En repetidas ocasións antes da rescisión contractual, a Consellería requiriu á empresa adxudicataria e á dirección facultativa da obra que aceleraran o ritmo dos traballos sen que se atendera esta petición. A empresa manifestou no seu momento á Consellería a súa disconformidade co orzamento de adxudicación das obras porque ao seu xuízo non se axustaba aos prezos do mercado.

Sen embargo, esta empresa concorreu por decisión propia ao concurso público para a urbanización e construción destas vivendas segundo un prego de condicións no que se especificaba claramente o prazo de execución de 18 meses e o orzamento de licitación que ascendía a 1.433.399,46 €. Así mesmo a empresa asinou, dando a súa conformidade, o contrato no que igualmente consta o prazo e o orzamento de execución.

Queremos dar dende aquí os nosos parabéns á Asociación Altofalante e a todas as persoas que colaboraron para facernos pasar unha velada tan agradable o pasado sábado, día 31, na III Muiñada de Amendo. Nela colaboraron e participaron as ANPAS dos colexios: “Galaxia”, “Milagrosa”, “Aguiño”, Deán Grande”,”Frións”, “A Guía”, “San Roque”, “O Grupo” e “Nº 1”.

Con esta actividade, Altofalante, que organizou por terceiro ano consecutivo con gran éxito de público, pretende:

* Fomentar o respecto e a participación responsábel co medio natural.

* Favorecer a sensibilización a respecto das problemáticas ambientais.

* Fomentar a lectura e a tradición oral e etnográfica.

* Abrir novos espacios de lecer e convivencia para os nosos fillos e fillas.

* Novas formas de relacionarse, divertirse e vivir o ocio, a mocidade e a familia.

* Establecer, así mesmo, a transferencia de experiencias e coñecementos entre as diversas xeracións, alumeando o porvir tecnolóxico actual coa base firme das nosas raices e tradicións…

11:30 Moenda e charla sobre os muíños de Amendo.

12:00 Fornada e degustación de pan de millo elaborado no forno dun dos muiños.

12:30 Repoboación polos rapaces e rapazas, tamén polos maoires, dun espacio queimado. Colocouse unha placa na zona repoboada.

14:00 Xantar, (levouse comida para compartir). Presentación das “Pandereteiras da Escola de Música Bastantes Llon”.

16:00 Maquillaxe de Cara por Roulotte Papillotte.

17:30 Contos no muíño, a cargo da escritora, actriz e contacontos: Paula Carballeira

18:30 Actuación do grupo musical: Renato Spencer&Café Caxaça.

* Xornada amenizada por gaiteiros

* Exposición fotográfica da Muiñada 2007