Xuño, 2008:

O Deporte é un ingrediente fundamental na formación integral da persoa e un elemento determinante na constitución do benestar social, a mellora da calidade de vida e a utilización constructiva do ocio e o tempo libre.

Co comezo da tempada estival as persoas teñen máis tempo para adicarse ás actividades deportivas. O Concello debe velar pola plena utilización das instalacións deportivas, optimizando o seu uso e coidando e manténdoas de acordo ás condicións de hixiene e seguridade.

O estado das pistas polideportivas de Castiñeiras (Areeiros e Ameixida) deixa moito que desexar, sendo esto unha mostra máis do desinterese e a desidia do goberno municipal. É necesario manter adecuadamente as canastras, portería, o firme das pistas, o peche perimetral, ...

A devandita rúa que discorre polo lugar do Outeiro en Carreira, fai case un ano que se atopa cunha enorme fochanca de dimensións considerables, froito dunha rotura da tubaria do saneamento ao intentar soterrar o cableado eléctrico.

A veciñanza do lugar demandou en numerosas ocasións ao Goberno Municipal que se arranxara a situación porque os estaba a prexudicar enormemente. Por parte do goberno do PP, como na maior parte das ocasións mírase para o lado facendo caso omiso das demandas da cidadanía.

Como ben se dixo antes, o socavón que alí hai é de considerables dimensións, o que supón un risco para os vehículos que circulan, para os paseantes que percorren a rúa, e como non para os/as veciños/as do lugar que alí residen. Estase a falar de case un ano convivindo con este estorbo, e neste tempo o único que fixo o Concello foi colocar unhas chapas de ferro sobre os buratos, unhas placas que cada vez que pasa un vehículo por enriba delas emiten un ensordecedor ruído que impide conciliar o sono ás xentes dos arredores, moitos deles maiores e enfermos.

A este problema súmase o dos numerosos atascos que se están a provocar na rede de sumidoiros, o que leva a ter que soportar uns cheiros constantes e a diario por parte dos residentes e viandantes.

O Goberno debería de asumir ese arranxo, correspóndalle a Fenosa ou a Aguagest, e logo saldar as contas con quen sexa responsable, e non agardar como sempre a que poida acontecer calquera situación non desexada e que logo teñamos que lamentala.

Dende o BNG, e chamados en varias ocasións por estes/as veciños/as, queremos sumarnos a eles denunciando esta situación e lembrándolle a este grupo Municipal do PP que está ocupando ese lugar de Goberno para resolverlles os problemas á cidadanía e para facer as súas vidas máis levadeiras, e non o contrario como esta a facer a cotío.

O BNG de Ribeira, coñecedor das dificultades que está atravesando o sector pesqueiro, ven de celebrar un encontro coas directivas das asociacións de todo o sector o pasado mércores, día 18 de xuño, ás 20 horas na sede do BNG de Ribeira.

A esta reunión asistiu o deputado Bieito Lobeira, a portavoz municipal, Dominga Brión, e os concelleiros Xosé Luís Groveiro e Francisco Ayaso. Por parte do sector estiveron os patróns maiores das confrarías de Ribeira, Aguiño e Palmeira e o presidente da Agrupación de Mariscadores de Ribeira; o presidente e varios membros da Asociación de Arrastreiros de Ribeira, o presidente de Orpal e o do Cerco, tamén en representación da Cooperativa do Mar.

Nesta xuntanza analizouse a situación crítica pola que está pasando o sector, consecuencia do incremento do prezo dos combustíbeis e especialmente da baixada dos prezos en primeira venda.

Fíxose fincapé, por parte do BNG, no importante número de embarcacións que utilizan gasolina e ás que non se lle está aplicando até o momento ningún tipo de rebaixa fiscal. Neste senso, a insistencia do BNG está dando os seus froitos, pois este combustible, utilizado pola meirande parte da frota artesanal galega, en breve terá unha importante rebaixa, rachando cunha situación de discriminación que leva padecendo durante moitos anos.

Con todo, faise necesario extender sistemas de propulsión que abaraten os custos de combustíbel. Exemplos poden ser o do gas licuado, motores de aforro enerxético, de catro tempos, etc., polos que está apostando a Consellería de Innovación e Industria.

Tanto o BNG como o sector concordaron na necesidade de traballar máis en mellorar a comercialización, dándolle máis valor en 1ª venda ao peixe e marisco. Establecer prezos mínimos de referencia por especie, controlar as importacións ilegais de peixe, establecer estrictos controis veterinarios e mellorar a etiquetaxe para poñer en valor os nosos productos, foron algunhas das cuestións que se barallaron.

Os representantes do sector tamén puxeron enriba da mesa outras problemáticas como, por exemplo, a competencia desleal que lle supón para o cerco a frota portuguesa ou a situación critica que están pasando a frota en Mauritania.

Finalmente concordouse na necesidade de pór en marcha un paquete de medidas de choque, por parte do Estado español e a Unión Europea (administracións competentes) en materia fiscal e de axudas, non como unha solución definitiva senón como un alivio transitorio. En todo caso, para o BNG a solución non pode pasar por facilitar e subvencionar o despece da frota.

É reiterado o apoio que ten dado e dará o BNG á Festa da Dorna, por ser unha das festas máis creativas, participativas e implicadoras da cidadanía.

A Orden pola que se regula a declaración de festas de interese turístico estatal, establece que unha Festa de Interese Turístico Galego (como é o caso da Festa da Dorna), para ser declarada de Interese Turístico Estatal ten que cumprir varios requisitos entre eles: levar cando menos 5 anos seguidos sendo de Interese Turístico Galego, que se acorde no Pleno do concello esta solicitude e se emita un informe da Xunta de Galicia, concretamente da Dirección Xeral de Turismo.

A Festa da Dorna é de interese Turístico Galego só dende 2005, declaración que se conseguiu en plena campaña electoral das autonómicas. Unha mágoa que o PP, 16 anos gobernando, non atendera antes o clamor de todos os dorneiros e dorneiras. Agora, novamente en precampaña, o PP reclama no Parlamento unha distinción que até o 2010 non poderá conquerirse. Sen dúbida o BNG apoiará, no seu momento, esta Declaración de Interese Turístico Estatal.

O Pleno do Concello de Ribeira aínda non se pronunciou sobre este asunto. Sobre o que si debe pronunciarse a Corporación Municipal nestes momentos é sobre a iniciativa presentada polo BNG de declarar o día da Dorna festivo local. Ante esta repentina sensibilidade do PP pola festa da Dorna, confiamos que o verdadeiro e unánime apoio á festa saia, en forma de declaración de festivo local, do Salón de Plenos do noso concello. O demais son foguetes de 3 estalos.

De non ser así, o BNG demanda que se proceda á súa paralización inmediata e a restitución da mesma á legalidade vixente.

No lugar do Touro estase construíndo unha urbanización, a carón da estrada C7307 (de Ribeira a Aguiño por Castiñeiras), da que o BNG ten recibido numerosas queixas da cidadanía. Trátase dunha edificación de 6 bloques, cun total de 36 vivendas, nunha finca en parte afectada por costas.

O BNG xa presentou unha iniciativa diante do goberno do PP para que se fixeran as pertinentes comprobacións sen que, até o momento, obtivera resposta. Do mesmo xeito, tamén solicitou que se lle permitira examinar o expediente desta obra dando o goberno a calada por resposta, como xa ven sendo habitual dende principios de ano.

Pero, ademais, o PXOM, nunca será un instrumento eficaz por si só se o equipo de goberno non pon en práctica as necesarias medidas de control que verifiquen, por exemplo, que as obras realizadas se axusten ás licencias outorgadas. De non ser así produciranse graves incumprimentos e agravios comparativos. Son múltiples as queixas da cidadanía de Ribeira neste sentido.

Este descontrol urbanístico que está tendo o Goberno Municipal de Ribeira e a reiterada e ilegal política escurantista que está aplicando ao negarlle ao BNG o acceso aos expedientes de obras, é a principal razón que nos leva a acudir á Dirección Xeral de Urbanismo, para que, dentro das súas funcións de “dirección, planificación, impulso, xestión e coordinación das competencias que, en materia de urbanismo, ordenación do territorio e do litoral, que corresponden á consellería” e que se concretan, entre outras, no “fomento, seguimento e control da actividade urbanística”, faga as comprobacións que estime oportunas para garantir que a devandita urbanización se adapta á normativa vixente.

A Festa da Dorna é unha festa orixinal e específica do concello de Ribeira que se ven celebrando dende hai 60 anos. Esta festa implica tanto á mocidade como a xente maior ao longo da súa celebración. Son milleiros os e as participantes nela e tamén son miles as persoas que visitan o noso concello durante estas celebracións.

En 2005 a Festa da Dorna foi Declara de Interese Turístico Galego e dende aquela tanto o BNG como a propia Cofradía da Dorna, avalada por miles de firmas, solicitaron que o 24 de xullo fose festivo local.

Esta medida facilitaría a participación e implicación dos e das ribeirenses que traballan este día, co cal contribuiríase a facer a unha festa máis grande e mellor. Como é sabido, os concellos teñen a potestade de fixar 2 festivos locais ao ano.

Na parroquia de Artes, a carón da ponte sobre o río Sanchanas, á dereita da estrada en dirección Corrubedo, estase a realizar unha obra de recheo nunha braña. Neste punto da estrada e pola súa parte inferior, discorre un regato que na actualidade está canalizado con catro tubos. Nin que dicir ten que esta canalización responde ós frecuentes anegamentos que sofre este lugar. Como consecuencia do recheo que se menciona, as tubaxes están sendo obstruídas, o que causa preocupación na cidadanía veciña dado que desta actuación se poderían derivar ulteriores anegamentos e polo tanto danos en fincas e vivendas lindeiras.