Maio, 2008:

O BNG ven de presentar unha iniciativa municipal para que a corporación inte á Consellería de Educación a que no vindeiro curso se poña en marcha un Centro Integrado de Formación Profesional no concello de Ribeira

Os centros integrados de formación profesional concíbense como institucións ao servizo da cidadanía e do sector productivo, que deben contribuír á cualificación e recualificación das persoas acomodándose ás súas distintas expectativas profesionais, tal e como consta no Real Decreto 1558/2005, do 23 de decembro polo que se regulan os requisitos básicos destes centros.

Estes centros deben incluír nas súas accións formativas as ensinanzas propias da formación profesional inicial, as accións de inserción e reinserción laboral dos traballadores e das traballadoras, e as de formación permanente dirixidas á poboación traballadora ocupada.

Como recordamos tanto a comunidade educativa, como o sector empresarial e productivo do noso concello demandaron a creación dun centro integrado en Ribeira sen que esto supuxera a desaparición da oferta formativa de ESO no IES Coroso. E dicir, que se creara o centro integrado por desdobre deste centro (como se fixo noutros concellos como Fene ou Ribadeo) e non por simple transformación.

Despois de dous cursos aínda non contamos cunha oferta formativa tan necesaria na nosa comarca e no noso concello.

A urbanización Residencial Mirador de Padín, de 227 vivendas, estase construíndo na Rúa do Comandante de Ribeira e dela o BNG ten recibido queixas da veciñanza no senso de denunciar agravios comparativos no relativo, especialmente, a alturas. O Goberno Municipal concedeulle, por convenio, baixo, 5 plantas e baixo cuberta. Este é un privilexio co que o entorno próximo non conta. A preocupación da cidadanía, e tamén deste Grupo Municipal, é que se excedan as alturas concedidas pois iso iría en detrimento da calidade de vida de toda a cidadanía do entrorno.

Por esta razón acudimos a ante a Dirección Xeral de Urbanismo da Consellaría de Política Territorial, para que dentro das súas funcións de “dirección, planificación, impulso, xestión e coordinación das competencias que, en materia de urbanismo, ordenación do territorio e do litoral, corresponden á consellería” e que se concretan, entre outras, no seguinte: “e) O fomento, seguimento e control da actividade urbanística”, fagas as comprobacións que estimen oportunas para garantir que a devandita urbanización se adapta á normativa vixente.

A parroquia de Artes conta cunha rede de sumidoiros executada en gran parte en base a un acordo entre o Concello e a Comunidade Veciñal. A execución do saneamento de Goda a Muíños deixou, inxustamente, un bo número de vivendas dos lugares de Viñas, Goda e Perdigoteira sen este servizo hoxe en día básico, pese á demanda do BNG (Moción de 24 de marzo de 2003).

Tamén, incomprensiblemente a día de hoxe, un grupo de veciños do lugar de Teixoeira carecen da posibilidade de conectar as súas vivendas á rede, pese a pasar esta a moi pouca distancia. Esta situación de clara discriminación é máis grave aínda se pensamos que na actualidade os vertidos van a pozos negros, algúns en particular con serios problemas de funcionamento que verten directamente ao río de Viñas, ao río Sanchanás e polo tanto ás augas do Carregal, no Parque Natural de Corrubedo. Hai que dicir tamén que non existe ningún impedimento serio de tipo técnico debido á orografía destes lugares que impida executar as obras precisas para dar fin a esta situación.

Son xa innumerables as ocasións en que diversas rúas de Aguiño sofren problemas de asolagamentos e cheiros por mor das choivas. Así, podemos falar da zona de Listres, as rúas do Carreiro e a de Castelao, e da meirande parte das zonas desta parroquia. A veciñanza demandou en numerosas ocasións que se lle dese solución ó problema que xera nesta zona a non separación de pluviais e residuais.

Con pequenas choivas as arquetas dos residuais levántanse, vertendo as augas fecais polas estradas, que en moitos dos casos chegan a colocarse nas portas da veciñanza residuos fecais que dan orixe a un pestilente cheiro, tendo logo estes veciños/as que proceder á limpeza das rúas.

Noutros casos, os propios residuos do alcantarillado público chegan a entrar nos aseos dalgunhas vivendas facendo que os botes sifónicos se levanten e se devolvan pola baixante augas que deixan un “aroma non grato” ademais de tóxico, no interior das casas.

Coas enchentes de auga circulan os residuos polas estradas, e como sempre van parar ó receptor universal de verquidos, o mar, concretamente, ás praias de Aguiño, sendo unha das máis afectadas a do Rebalo. É moi usual cando se da esta condición, ver unha mancha escura de grandes dimensións, sobre as verdosas augas do mar, isto non é outra cousa que eses residuos arrastrados polas correntes.

Tendo xa constancia este Goberno Municipal dos múltiples atrancos que a non separación de Pluvias-Residuais está a causar no Concello, e concretamente nesta zona de Aguiño, e cando se está falando da implantación dunha macrodepuradora na propia parroquia, non é de recibo que aínda non se tomaran medidas para dar solución a este problema, que por outra banda se presupón nese anteproxecto feito da depuradora que esta separación pluviais-residuais xa é algo efectivo e real en todo o Concello.

Desde o Grupo Municipal do BNG xa se levan presentado diante do pleno diferentes mocións reclamando obras para que todos os veciños/as do concello teñan acceso a servizos básicos como é o do saneamento.

Na parroquia de Oleiros hay unhas 400 vivendas das que só poden dispoñer de alcantarillado 14, pois unicamente existen uns 1000 mts. de rede de saneamento. Logo da reclamación por parte dos veciños, de reiteradas promesas electorais, e mesmo apoiando por toda a corporación municipal mocións presentadas polo BNG, para dotar a Oleiros deste servizo, o Goberno Municipal esquence non só unha promesa, senón que incumple un acordo do Pleno Municipal.

Só desde a incompetencia e a deixadez do PP se pode entender que logo de mais de 20 anos de goberno se sigan ignorando as reivindicacións dos veciños/as, dun servizo tan elemental como é o saneamento, discriminados ano tras ano, a pesar de colaborar desinteresadamente cando se trata de intereses para todo o Concello.

A falta de xestión diante doutras administracións, cando non confrontación directa, supón a perda de investimentos e de dotación de servizos á cidadanía. A situación do porto e da lonxa, é unha boa proba. Tamén o é a carencia de servizos como a circunvalación, o matadoiro e a estación de autobuses ou a precariedade doutros, como é o caso do mercado municipal ou a situación da canceira municipal.

Mesmo non dubidan en rexeitar a dotación de servizos xestionados por nós: como é o caso da Galescola, que decidiron que non era necesaria a pesar de que as estatísticas din o contrario, e que foi solicitada por asociacións como a das Amas de Casa; ou do local ensaio, que optan por facelo con diñeiro municipal, renunciando a unha partida de máis de 120.000 € que Vicepresidencia poñía ao dispor da cidadanía de Ribeira.

Algo parecido intentaron co polígono industrial da Barbanza, dun millón de metros cadrados, para que non quedara en evidencia a súa incapacidade; durante máis de 20 anos de goberno popular non conseguiron nin un só metro de chan industrial. Algo que foi capaz de xestionar o BNG dende a oposición, nese compromiso de creación de emprego e riqueza que ten o BNG e que puxemos en práctica dende o goberno galego. Hoxe o Polígono da Barbanza é unha realidade en marcha a pesar do PP.

En materia de servizos sociais, a pesar do esforzo económico de Vicepresidencia, lévanse perdidos máis de 85.000€ do Programa ANTA de Vicepresidencia (para subvencionar o transporte adaptado). A falta de compromiso político tamén se visualiza nos preto de 50.000€ da axuda no fogar que tiveron que devolver por falta de xustificación, ou na carencia de servizos novidosos ás persoas maiores que existen noutros concellos e dos que carecemos en Ribeira: servizo de catering.

Unha falla de compromiso que tamén se deixa ver na cativa oferta cultural e de ocio propia do concello, especialmente na destinada a xente nova, que se sustenta grazas as iniciativas doutras administracións e entidades, que dende o goberno venden como propias. A situación das escolas, dos parques, da Casa da Xuventude, co risco real que existe de perder as subvencións, etc. tamén son claros exemplos.

A estas alturas segue sen adaptar o PXOM á Lei do Solo, pese a que tiña que estalo antes de xaneiro do 2006. Temos un departamento de urbanismo que necesita mellorar moito para poder controlar que o que se constrúe se corresponde coas licencias outorgadas. Esta política ocasiona verdadeiras aberracións urbanísticas que propicia a especulación en contra dos intereses da maioría.

A isto hai que engadirlle a falla de transparencia e o escurantismo que está aplicando o goberno do PP dende principios de ano, agachando a información e impedindo o acceso aos expedientes de obra incluso téndoo solicitado por escrito dende hai máis de tres meses. Isto, ademais de conculcar a normativa vixente, dificulta o noso traballo de fiscalización.

A outra gran asignatura pendente. Ribeira conta cunha deficiente rede de saneamento que ocasiona problemas que se reflicten a diario en pestilentes cheiros en distintas zonas do concello, varias delas no propio casco urbano, e que quedou en evidencia o pasado día 14 de maio, pois 10 minutos de choiva chegaron para que se producira o desbordamento das alcantarillas nas rúas máis importantes do casco urbano de Ribeira. Pero outro tanto sucede en Aguiño e noutros puntos do Concello. Tampouco contamos con ningunha depuradora. Agardamos que iso cambie en breve grazas ao goberno da Xunta. Tivo que chegar un novo goberno para que se vexan proxectos para tratar augas residuais.

Afortunadamente, a pesar do goberno que temos, e grazas a intervención doutras administracións, a cidadanía de Ribeira conta xa con melloras importantes na rede eléctrica, co acceso ás novas tecnoloxías a través da banda ampla, melloras no caso urbano e n pistas rurais, etc.

Unha mágoa que se perda un tempo precioso que serviría para consolidar a Ribeira como capital da Barbanza. En todo caso, dende o BNG seguiremos traballando para que a cidadanía puxante e dinámica de Ribeira conte cos servizos e infraestructuras que necesita e merece.

Existe nas dependencias municipais un documento denominado “Fichas, planos e cartografía do inventario xeral dos bens e dereitos correspondentes a esta corporación” confeccionado con referencia ao 31 de decembro de 2001. No mesmo aparecen reflectidos os bens inmobles tanto urbanos como rústicos que ten o noso concello. Así pois neste documento plásmase a cartografía, fotografía e fichas con datos de interese sobre todos os bens que ten o nos concello. Estes van dende parques, instalacións deportivas, equipamentos culturais, ata o edificio da casa do concello. Inexplicablemente este “Catálogo Patrimonial” está sen aprobar en Pleno e xa leva máis de 6 anos elaborado.

Asemade, tamén forman parte deste catálogo as fontes, lavadoiros, cruceiros, etc., é dicir, toda a riqueza patrimonial que temos no noso concello. Dende o BNG parécenos moi importante recuperar, poñer en valor e difundir todo este patrimonio etnográfico que representa un elemento propio da nosa forma de ser e por suposto un atractivo turístico.

Lamentablemente moitos destes elementos están esmorecendo e deteriorándose, sen ter un plan de mantemento que os manteña e difunda.