Marzo 28th, 2008:

O BNG de Ribeira quere amosar todo o seu apoio solidario aos veciños e veciñas afectados polo deslinde de Costas, así como o seu respaldo a todas aquelas medidas tendentes a acadar os 20 metros de servidume de Costas en todas as zonas urbanas do Concello e, nomeadamente, na zona dos Areeiros e Palmeira.

Nese senso, e a iniciativa do BNG de Ribeira, a deputada do BNG, Ana Pontón, e o deputado, Bieito Lobeira, interesáronse, unha vez máis, no Parlamento Galego pola problemática da área de servidume de costas dos Areeiros e Palmeira. Nesta ocasión debido a que a Audiencia Nacional dictou sentenza desestimando o Recurso interposto polo Concello de Ribeira en relación con este tema.

Por outra banda, o BNG agarda que o director xeral de Urbanismo emita informe favorábel para unha solución acaída á problemática dos Areiros, tal como se comprometeu nunha reunión a que asistiu a voceira municipal do BNG, Dominga Brión, acompañada da deputada nacionalista Ana Pontón, á que tamén acudiron representantes do resto dos grupos políticos da corporación ribeirense, así como o presidente da asociación A Batiola, Xurxo Ferrón. Tamén esperamos unha implicación total do goberno de PP de Ribeira para, entre todas as institucións, solucionar unha problemática que hai tempo que debería estar resolta.

Santiago de Compostela, 26 Marzo 08.- O grupo parlamentar do BNG, a través do seu deputado Bieito Lobeira, ven de denunciar a existencia de documentos internos da Garda Civil que inclúen simboloxía galega como elemento “sospeitoso” a controlar e perseguir.

Bieito Lobeira rexistrou unha iniciativa parlamentar na que se fai eco de que en actos formativos desta institución, dirixidos aos seus efectivos en Galiza, se inclúen como “símbolos sospeitosos” autocolantes coas iniciais GZ para veículos, bandeiras galegas coa estrela vermella ou o escudo deseñado por Castelao coa lenda “Denantes mortos que escravos”, así como un bo número de colectivos e entidades de carácter feminista, ecoloxista, cultural ou estudiantil.

Para o parlamentar nacionalista, é “intolerábel”, do punto de vista democrático, que forzas e corpos de seguridade do Estado, nos seus programas de formación, criminalicen elementos propios do País, asumidos, ademais, por unha parte moi importante da sociedade galega.