O BNG de Ribeira ven de solicitar que por parte do Goberno Municipal se tomen, de inmediato, as medidas oportunas para que un muro da Rúa da Barreira a piques de caer, sexa apuntalado, en tanto non se proceda ao seu derrubo controlado.
Na Rúa da Barreira, no lugar de Fondevila, á altura do número 31, hai unha parede dunha edificación a piques de derrubarse. O devandito muro presenta gretas e un aspecto alombado, ameazando con virse abaixo en calquera momento.
Consideramos que o Goberno Municipal debe actuar de inmediato polo risco que o estado deste muro implica para todas as persoas e vehículos que a diario pasan polo seu carón.
Iniciativa Municipal:
2007-12-12muroruabarreira.pdf
