Intento de usurpación dun camiño nos Paramos

Ante o que parece a todas luces un intento de usurpación dun camiño de carro por un particular nos Paramos, Castiñeiras, a veciñanza do lugar demandou o apoio do BNG de Ribeira.

Unha vez que chegamos ao lugar, comprobamos que o devandito camiño que da servicio a varias fincas esta sinalizado con un muro por un lado e marcos polo outro. Ademais, aparece recolleito tamén en escrituras de propiedade dos lindeiros e mesmo nun plano de levantamento topográfico visado.

Non se entende, pois, a pasividade que está adoptando o goberno ante o que parece unha clara usurpación dun camiño público por parte dun particular. Razón pola cal presentamos unha iniciativa ante o Goberno e ante a Corporación Municipal solicitando que se adopte as medidas oportunas para que se proceda ao marcado dos deslindes e dos retranqueos pertinentes, unha vez analizada a documentación necesaria. Do mesmo xeito, tamén demandamos que se proceda ao arranxo do devandito camiño, xa reclamado polos usuarios do mesmo.