Xuño, 2007:

O saneamento integral e unha vella reivindicación do BNG. O Goberno do PP leva anos vendéndonos unha gran depuradora en Aguiño. Coa chegada do novo goberno á Xunta pódese, por fin, empezar a dar pasos de cara a conseguir o saneamento integral do Concello: a Xunta aportará o financiamento e o Concello os terreos.

A estación depuradora de augas residuais (EDAR) que se pretende instalar en Aguiño ocupará un espazo de 25.000 m2 e terá capacidade para 80.000 habitantes equivalentes.

Está por ver se facer unha gran depuradora e trasladar alí as augas residuais de Oleiros, Palmeira, Ribeira, Castiñeiras, Carreira e Aguiño é a mellor solución. É unha mágoa que non se estudiara a posibilidade de facer pequenas depuradoras en cada parroquia. Acostuman a ser menos problemáticas e máis fáciles de controlar.

A ubicación que aparece no Anteproxecto tampouco é moi afortunada: en Pinisqueira (preto de vivendas e dunha area de lecer) a proposta do grupo de goberno, que tomou a decisión en solitario e de costas ao resto dos grupos, polo menos ao BNG, e tamén á cidadanía.

Así quedou patente na reunión celebrada o luns, día 11, na Casa do Mar de Aguiño. Máis dun cento de persoas alí reunidas dixeron carecer de información e mostráronse preocupadas pola ubicación da depuradora en Aguiño; afirmaron estar “queimadas” porque cando foi do traslado da fábrica de fariña tamén se lles dixo que non cheiraría e, según dixeron, determinados días e sobre todo polas noites os cheiros son insoportables.

Disto dedúcese que o Goberno Municipal non está facendo o control que debería desta fábrica, que sí ten sistemas para control dos cheiros, pero se non se usan non serven de nada.

Mostráronse incrédulos, seguramente pola mala experiencia que viven, cando lle dixemos que se teñen producido moitos avances e que unha depuradora de última tecnoloxía e con un adecuado mantemento, as molestias que deberían ocasionar terían que ser mínimas. Do mesmo xeito, cando funcionan mal producen moitos problemas.

A irresponsabilidade do goberno na aplicación da normativa vixente en materia de verquidos é a que está ocasionando esta alarma social; que se incrementa coa falla de información e de consenso á hora de localizar a EDAR. Se escoitaran outras opinións a estas alturas non teriamos que estar presentando alegacións e aforraríase tempo, traballo e cartos.

Ademais o goberno ten que acostumarse a contar co resto dos grupos e coa cidadanía, sobre todo para as cousas que inflúen de maneira tan decisiva nas súas vidas, como nesta ocasión na de Aguiño. En todo caso, nós si que nos comprometemos a facer un seguimento deste tema e a reunirnos cos veciños e veciñas de Aguiño para darlle a información que precisen, tantas veces como sexa necesario.

1. Que na Ameixida, a ubicación prevista nesta zona se separe o máximo da casas, incorporándoo (o bombeo) na explanada portuaria.

2. Que en Castiñeiras, o bombeo que está previsto no paseo marítimo, se ubique na explanada portuaria.

3. Que en Listres, o bombeo e tanque de tormentas, debe respectar o entorno, e debe mellorarse coa construción de zonas verdes e instalacións deportivas.

4. Que a EDAR de Couso sexa trasladada a unha nova ubicación que se marca nun plano adxunto (ao Polígono de Couso, a carón dunha fábrica de fariña alí instalada).

 Con que non se estudiaran outras fórmulas para o saneamento integral (como por exemplo, facer pequenas depuradoras máis próximas aos núcleos).

 Con que se escollera esa primeira localización de Pinisqueira para a EDAR ao chou e ás nosas costas e dos veciños/as (e mesmo que logo dixeran que esa ubicación fora un acordo de todos os grupos, algo absolutamente falso).

 Con que se veña ao Pleno sen a proposta de alegación ou un borrador da mesma.

 Tamén nos parece unha falla de respecto que o Grupo de Goberno se tomara a licencia de adiantar na prensa o noso posicionamento no Pleno celebrado hoxe, antes de coñecelo.

Todas estas razóns nos parecen máis que suficientes para votar en contra. Pero por respecto aos veciños e veciñas e polo noso compromiso con eles/as, e só con eles/as, decidimos optar pola abstención. Votar a favor sería respaldar a nefasta actuación do Grupo de Goberno neste tema.

Onte pola noite reunímonos na Casa do Mar de Aguiño con máis dun cento de persoas para falar da estación depuradora de augas residuais (EDAR) que se pretende ubicar alí, concretamente en Pinisqueira (a carón dun mirador e preto de vivendas).

No Pleno ordinario da Corporación Municipal de Ribeira, de 29 de xaneiro, acordarase por unanimidade ceder os terreos para a instalar a EDAR, pero sen indicar onde. A decisión de colocala en Pinisqueira tomouna o Goberno do PP en solitario, ou polo menos sen contar nin con nós, nin coa cidadanía de Aguiño. En base a esa decisión a Consellería de Medio Ambiente elaborou un anteproxecto que está a exposición pública dende o 24 de maio, fecha en que se publicou no DOG, e disponse dun mes para presentar alegacións.

Agora, despois das protestas da cidadanía e da recollida de sinaturas, o Goberno Municipal pretende presentar unha alegación para cambiar a ubicación da EDAR de Pinisqueira para o Polígono de Couso, preto de onde está unha empresa de fariña de peixe. Para iso, convocou un Pleno extraordinario para o vindeiro mércores, día 13 de xuño. Pero, novamente, sen contar coa cidadanía. Onte comprobamos que a xente non estaba informada. De feito a reunión organizada por nós onte é a primeira que se fixo para falar do tema.

A nós parécenos que este é un procedemento de actuación inadecuado por parte de quen nos goberna. O lóxico sería facer previamente un estudio técnico para buscar o mellor sistema (pensouse en pequenas depuradoras en cada parroquia?) e a mellor localización según criterios medioambientais, paisaxísticos, de afección ao medio… Hai que ter en conta que todo o contorno onde se pretende ubicar a estación depuradora é unha zona de lecer, de espazos protexidos, rica en produción marisqueira, con vivendas cerca e con un Aguiño en expansión. Polo tanto, buscar a situación máis acaida para a EDAR entendemos que require un estudo máis pormenorizado e, en todo caso, a súa localización debe facerse en base a criterios técnicos, non a criterios políticos ou simplemente ao chou. Ninguén discute que o saneamento integral é fundamental para o desenvolvemento sustentábel dun pobo. E, polo tanto, a depuración das augas residuais é necesaria para Ribeira. Pero haberá que buscar o mellor sistema e a mellor ubicación.

O seguinte que o nós faríamos sería informar á cidadanía. Explicarlle, en base aos estudios feitos, cal é o mellor sistema e a situación máis idónea. Se o Goberno informara debidamente e se comprometera a facer un mantemento correcto da EDAR para evitar molestias á poboación, a xente entenderíao perfectamente e poderíase chegar a un consenso.

É neste momento, despois de acadado o consenso, cando se porían a dispor da Consellería de Medio Ambiente os terreos necesarios, nunca antes. Así, dende logo, é como nós o vemos e como o faríamos. A cidadanía quer que se conte con ela, sobre todo para as cousas que inflúen de maneira decisiva nas súas vidas. En todo caso, nós si que nos comprometemos a facer un seguimento deste tema e a reunirnos cos veciños de Aguiño para darlle a información que precisen.

No DOG de 24 de maio publicouse a Resolución de 18 de maio pola que se somete a información pública o anteproxecto correspondente ao contrato de concesión da obra pública de colectores xerais e da estacion depuradora de augas residuais de Ribeira.

No Pleno ordinario da Corporación Municipal de Ribeira de 29 de xaneiro acordarase por unanimidade ceder os terros para a instalar a EDAR, pero sen indicar onde. O Grupo de Goberno, sen contar co resto dos grupos pretendía colocar a estación depuradora nun lugar pouco acaído de Couso (a carón dun mirador e preto de vivendas). Ahora (despois das protestas da cidadanía e da recollida de sinaturas) será preciso presentar unha alegación para demandar o seu traslado a outro punto de Couso que ocasione menos molestias á cidadanía (preto de onde está unha empresa de fariña de peixe). O vindeiro día 13 de xuño, ás 13,45 horas, nun Pleno extraordinario da Corporación tratarase, entre outros asuntos, este tema.